சிவானந்தமூர்த்தி சிவேசன் யாழ்ப்பாணப் பல்கலைக்கழகத்தின் சந்தைப்படுத்தல் துறையில் விரிவுரையாளராக உள்ளார். இவர் களனிப் பல்கலைக்கழகத்தில் தனது பட்டப் பின்படிப்பையும் தொடர்கின்றார். வணிகவியல், சந்தைப்படுத்தல், பொருளியல், முகாமைத்துவம் முதலான துறைகளினூடு ஊடாடி தனது அறிவை விரிவாக்குவதில் ஆர்வமுடன் உழைத்து வருகின்றார்.
இவர் பல்வேறு ஆய்வு கட்டுரைகளை எழுதியுள்ளார். சந்தைப்படுத்தலின் ஆழமான அறிவைப் பெறவேண்டுமென்று துடிக்கும் ஒரு இளம் விரிவுரையாளர். வங்கி, காப்புறுதி, தொடர்பாடல் போன்ற சேவைத்துறைகளில் ஈடுபடும் ஊழியர்களுக்கு பல கருத்தரங்குகளை நடத்தி அவர்களின் சேவைச் சந்தைப்படுத்தலின் விருத்திக்கு உதவி வருபவர்.
தனது கற்றல் - கற்பித்தல் செயற்பாட்டினூடாக ஆய்வாளர் எனும் தகுதியையும் அடைய விளைபவர்.