நேரம், காலம், பொழுது - என்றெல்லாம் அழைக்கப்படும் இந்த வளத்தை - ஆதாரத்தைக் கையாளும் முறை தெரியாமல் பலரும் அவதிப்படுவது உண்மை. நமது பட்டறிவின் அடிப்படையில், இந்த நேரம் என்பதை எவ்வாறு மேலாண்மை செய்வது என்பது பற்றி இந்தச் சிறிய நூலில் கொடுக்க முயற்சித்துள்ளோம்.

நூலில் காலை 5 மணி துவங்கி இரவு 9 மணிவரையிலும் நமது வாழ்க்கை செயல்பாடுகள் அமைகின்றன. இதனைக் குறிக்கும் விதமாக இந்த நூலில் 5 முதல் 21 என்ற எண் வரிசையில் மொத்தம் 17 தலைப்புகளில் செய்திகளைக் கொடுத்துள்ளோம்.

சாதாரண மனிதர்கள் நேரத்தை செலவழிப்பதை பற்றி சிந்திக்கிறார்கள்; சிறந்த மனிதர்களே அதனை பயன்படுத்தும் முறை பற்றி சிந்திக்கிறார்கள் - என்ற சொல்லை நடைமுறையில் செயல்படுத்தும்விதமாக இந்த நூல் உருவாக்கப்பட்டுள்ளது.