மறக்கக் கூடாத மனிதர்களையும், வாழ்வியல் நெறிகளையும் உயர்ந்த நோக்கங்களையும் நினைவுபடுத்தும் நூல். மண்ணின் மனிதர் வீரன் வாஞ்சிநாதன் பற்றிய கட்டுரை அன்று இயங்கிய சுதந்திரப் போராட்ட நிகழ்வுகளையும் பாரதமாதா சங்கம் பற்றிய தகவல்களையும் தருகிறது. இன்றைய புதுமணத் தம்பதிகளுக்கு அறிவுபூர்வமான சிந்தனைகளைத் தந்து மன(ண) முறிவு ஏற்படுவதைத் தவிர்க்கிறது மந்திர நுட்பம் என்ற தலைப்பில் அமைந்த கட்டுரைகள். தேவை நேர்முகச் சிந்தனை என்ற சிறிய கட்டுரை சீரிய சிந்தனைகளை விதைத்து இறைவனுக்கும் நமக்கும் பாலம் போடுகிறது. எல்லைதாண்டிய நடனம் கட்டுரை பள்ளி விழாக்களில் கவனம் வேண்டும் என்று எச்சரிக்கை செய்கிறது. சாப்பாடு தேவாமிர்தம் என்ற கட்டுரை விருந்துக்குச் செல்லும் போதெல்லாம் நினைவிற்கு வரும். அத்துடன் ஊத்துமலை ஜமீனும் நினைவிற்கு வரும். "சொல்லமாட்டேன் அடியேன்.. " என்ற கட்டுரை தமிழ் நாட்டில் தமிழர்களின் இழிநிலையைச் சொல்கிறது. "அறிவியல் காட்டும் ஆன்மிகம்" என்னும் கட்டுரை இந்து மதத்தின் பெருமையை உலக அறிஞர்கள் வாயிலாகச் சொல்கிறது. இலக்கியம், பண்பாடு, ஆன்மிகம், நடைமுறை வாழ்வியல் சிந்தனை, தேசியம், தெய்வீகம் உள்ளிட்ட முப்பத்தைந்து கட்டுரைக்ளைக் கொண்ட மறக்காமல் வாங்கி, மறக்காமல் படிப்பது ஆயிரம் இனிய அனுபவல்களைத் தரும். - - - - டிசம்பர் 2007 - - - - -