பேராசிரியர் முனைவர் இ.சுந்தரமூர்த்தி சென்னைப் பல்கலைக் கழகத்தில் பலலாண்டுகள் (1969 -2002) பணியாற்றியவர். தமிழ்த்துறைத் தலைவராகவும் பதிப்புத் துறை இயக்குநராகவும் பணியாற்றியுள்ளார். தஞ்சைத் தமிழ்ப் பல்கலைக் கழகத் துணைவேந்தராகப் பணியாற்றிய இவர் பதிப்புத் துறையில் பேரீடுபாடு கொண்டவர். திவாகர நிகண்டு (இரு தொகுதிகள்) சூடாமணி நிகண்டு முதலாய பல அரிய நூல்களைப் பதிப்பித்த பெருமையுடையவர். அறுபதிற்கு மேற்பட்ட நூல்களைப் பதிப்பித்தும் எழுதியும் உள்ளார். திருக்குறள் குறித்து தொடர்ந்து ஆய்வுகள் நிகழ்த்தி வருபவர். வள்ளுவம் இதழின் ஆசிரியர். திருக்குறள் ஆய்வுப்பணிக்காக தமிழக அரசின் திருவள்ளுவர் விருதினைப் பெற்றவர்.