மூத்த பத்திரிகையாளரான துரை கருணாநிதி தேனி மாவட்டம் உத்தம்பாளையம் நகரைச் சேர்ந்தவர். மாலைச்சுடர் நாளிதழின் முதுநிலைச் செய்தியாளராகப் பணிபுரிகின்றார். கடந்த 30 ஆண்டுகளுக்கும் மேலாக சென்னையில் பல்வேறு நாளிதழ்களில் அரசியல் தொடர்பான பத்திரிக்கையாளராகப் பணிபுரிந்துவருகிறார். ஏராளமான அரசியற் கட்டுரைகளை எழுதியுள்ள இவர், அகில இந்திய வானொலி, மற்றும் சென்னைத் தொலைக்காட்சியிலும் தனது செய்தி விமர்சனங்களை வழங்கியுள்ளார். அமரர் எம்.ஜி.ஆரின் தீவிர விசுவாசி, எம்.ஜி.ஆர் தொடர்பான அரசியல், சினிமா, மனிதநேய நிகழ்வுக்கள் குறித்த சம்பவங்களையும் குறிப்புக்களையும் சேகரித்து வைத்திருப்பவர். 1972 இல் அண்ணா திராவிட முன்னேற்றக் கழகம் உருவான நாள்முதலாய், அந்த இயக்கத்தில் இணைந்து இன்றும் அதன் உறுப்பினர்கள், தொண்டர்கள் வரையிலான அனைவருடனும் நேரடித் தொடர்பில் இருப்பவர். திராவிட இயக்க அரசியல் கட்சிகள் தொடர்பான ஒப்பீட்டு விமர்சனப் பார்வையும் திறனாய்வுத் திறனும் கொண்ட பத்திரிகையாளர்.