சிறுகதை, கவிதை, திறனாய்வு, நாடகம் என அனைத்து துறைகளிலும் கால் பதித்து, பல பரிசுகளைப் பெற்றவர். இவரது நாடகங்கள் வானொலி, தொலைக்காட்சி, பத்திரிகை என எல்லா ஊடகங்களிலும் இடம் பெற்றவை. 1969 ஆம் ஆண்டு இலங்கை வானொலி நடத்திய நாடகப் போட்டியில் இவரது "நீதியின் நிழல்" துப்பறியும் நாடகம் முதல் பரிசு பெற்றது. தமிழ்நாட்டின் மிகச் சிறந்த நகைச்சுவை எழுத்தாளர் திரு பாக்கியம் ராமசாமி அவர்கள் "திரு ஜீ.பீ.வேதநாயகம் அவர்களின் அனைத்து நாடகங்களிலும் கேலியும் கிண்டல்களும் மட்டுமல்ல நாட்டு நடப்பின் லூசான நட்டுக்களை முடுக்கித் திருகி ஒழுங்கு செய்யவல்ல பயனும் இருப்பதை காண்கிறோம்" என்று கூறியுள்ளார்.