நாமக்கல் மாவட்டம் வெள்ளாளப்பட்டியைப் பிறப்பிடமாகக் கொண்டவர் நாமக்கல் நாதன். இவரதன தந்தையார் வி.ஆர்.முத்து நாடக ஆசிரியர். பல்வேறு அமைப்புக்களிடம் இருந்து சிறப்புப் பட்டங்களைப் பெற்ற இவர் இதுவரையில் இருபதிற்கும் மேற்பட்ட நூல்களை எழுதியுள்ளார். ஆறாயிரத்திற்கும் அதிகமானோர் பங்கு பற்றிய "தாய்" வார இதழ் நடத்திய மாநில அளவிலான கவிதைப் போட்டியில் முதற்பரிசு பெற்றுள்ளார். இவர் கவிதைகளுக்காகவும், நூல்களுக்காவும் பல்வேறு பரிசில்களைப் பெற்றுள்ளார். தினமணி, தீபம், சங்கொலி, தேனமுதம், மனம், முல்லைச்சரம், காவியப்பாவை, எழிலோவியம், தமிழப்பணி, துளி, விழிகள், சேலம் சிட்டி நியூஸ், தும்பை, வள்ளுவர் தமிழ்ப்பீடம் ஆகிய இதழ்களில் இவரது ஆக்கங்கள் வெளியிடப்பட்டுள்ளன. சொற்சுவைக் கவிஞர் சுரதா அவர்கள்தான் தனது கவிதைத்துறை ஆசான் என்று கூறும் நாமக்கல் நாதன் பல்வேறு வானொலி நிகழ்ச்சிகளிலும், தொலைக்காட்சி நிகழ்ச்சிகளிலும் பங்குகொண்டுள்ளார்.