பள்ளிகளில் பயிலும் மாணவ மாணவியருக்குத் தமிழில் பொதுக் கட்டுரைகள் எழுதுவது என்பது ஒரு பாடப்பிரிவாகும். இதற்காக மாணவர்கள் பெரும் முயற்சி செய்ய வேண்டியுள்ளது. அவர்களுக்காக 61 தலைப்புகளில் எளிமையான தமிழில் கட்டுரைகளை எழுதிக் கொடுத்துள்ளார் ஆசிரியர் ஜெ. குமணன்.

இதனால் மாணவர்கள் இதனை அப்படியே காப்பியடிக்காமல், எளிதில் புரிந்து கொண்டு, தங்களது சொந்த முயற்சியால் மேலும் விரிவாக கட்டுரைகளை எழுதலாம்.

காந்தி, நேரு, பெரியார் உள்ளிட்ட பல தலைவர்கள் பற்றிய கட்டுரைகளும் உள்ளன; மரங்கள், சுற்றுச்சூழல், காடு வளர்ப்பு போன்ற உலகிற்கு நன்மைபயக்கும் பகுதிகள் பற்றியும், பொங்கள், தீபாவளி என்று திருவிழாக்கள் பற்றியும், குழந்தைகள் தினம், நூலகம், உடற்கல்வி என்று பொதுவான பகுதிகள் பற்றியும் எளிமையான கட்டுரைகள் இந்தப் புத்தகத்தில் தரப்பட்டுள்ளன.