இலங்கையில் கைலாசபதியும் சிவத்தம்பியும் முற்போக்கு இலக்கியத்தைப் பேசிக்கொண்டிருந்தபோது, எஸ்.பொ நற்போக்கு இலக்கியத்தை முன்மொழிந்தவர்களில் ஒருவர். நவீன இலக்கியம், தமிழ் மொழி, தமிழ்ச் சமூகம், ஈழத்து இலக்கியங்கள், தலித்தியம், பெண்ணியம், புலம்பெயர் இலக்கியம், இந்திய அரசியல், காந்தியியம், மார்க்சியம், ஈழத்து இலக்கியவாதிகள், விமர்சனத்துறைப் போக்குகள், அயல் மொழி இலக்கியம் ஆகிய பரப்பில் எஸ்.பொவின் கருத்துகளை அவர் வழங்கிய முன்னுரைகளின் வழியாகத் தெரிந்துகொள்ள முடிகிறது. இம்முன்னுரைகளின் தொகுப்பே இந்நூல்.