இலங்கைத் தமிழ் இலக்கியத்திற்கு மலையக இலக்கியம் புது ரத்தம் பாச்சியது என்று பேராசான் க.கைலாபதி குறிப்பிடுவார். தமிழகத்தில் வெளிவந்த மணிக்கொடியைப் போல இலங்கையின் வடபுலத்தில் வெளிவந்த மறுமலர்ச்சியைப் போல, மலையகத்தில் வெளிவந்த மாலைமுரசு இன்றும் பேசப்படுகிறது இன்றைய காலகட்டத்தில் தமிழ் இலக்கிய வளர்ச்சிக்காக இவைகள் ஆற்றிய பணிகள் பற்றி பல்கலைக்கழக மட்டத்தில் ஆய்வுகள் மேற்கொள்ளப்படுகின்றன. மலைய இலக்கிய வளர்ச்சிக்குப் பெரும் பங்காற்றியுள்ள சிறு சஞ்சிகைகளின் பணிகளைப் பற்றிய அவ்வப்போது இதழ்களிலும் ஓரிரு கட்டுரைகள் வெளிவந்தாலும் காத்திரமான ஆய்வுக் கட்டுரைகள் வெளிவந்தது குறைவாகவே உள்ளது. இக்குறையை இந்த ஆய்வு நூல் நிறைவு செய்கின்றது.